Yuxarı
    Bağlamaq

    Azərbaycan Qazaxıstanın Atırau vilayəti ilə ticari-iqtisadi əlaqələri artırmaq niyyətindədir

    Azərbaycan vilayətin iqtisadi potensialının araşdırılması məqsədilə regiona sahibkarlar və transmilli şirkətlərin nümayəndələrini göndərəcək© КазИнформ

    Bakı. 19 may. REPORT.AZ/ Azərbaycanın Qazaxıstandakı səfiri Rəşad Məmmədov bu ölkənin Atırau vilayətinin akimi Nurlan Noqayev ilə respublikanın regionla ticari-iqtisadi əməkdaşlığı məsələlərini müzakirə edib.

    "Report" "Kazinform"a istinadən xəbər verir ki, görüş zamanı səfir Azərbaycanın Atırau vilayətinin iqtisadi potensialının araşdırılması məqsədilə regiona sahibkarlar və transmilli şirkətlərin nümayəndələrini göndərəcəyini və regionun ixrac potensialını araşdırmağa çalışdığını qeyd edib.

    "Bu səfərin məqsədi bizi maraqlandıra biləcək şeyləri görmək, qarşılıqlı faydalı olması üçün sərmayəni hara yatırmağın daha sərfəli olduğunu müəyyənləşdirməkdir", - səfir bildirib.

    Vilayət akimi isə öz növbəsində, bu baxımdan region üçün investisiyalaşma, yeni iş yerlərinin yaradılması, vergi bazasının artırılması, biznes əlaqələrin genişləndirilməsi və dərinləşdirilməsinin prioritet olduğunu vurğulayıb.

    "Qazaxıstanda investorlar üçün zəruri olan biznes şəraiti yaradılıb. Biz ticari-iqtisadi əməkdaşlığımızı gücləndirməyə hazırıq", - N.Noqayev əlavə edib.

    Vilayətin Statistika Departamentinin məlumatına görə, bu gün bölgədə Azərbaycan kapitalının iştirakı ilə 42 müəssisə fəaliyyət göstərir. 2017-ci ilin yanvar-mart ayları ərzində Atırau vilayətinin Azərbaycan ilə xarici ticarət dövriyyəsi 1,8 milyon dollar təşkil edib. Azərbaycana ixracın əsasını şirin suda yaşayan balıqlar, qazoyl və kükürdlü mazut, qaz boruları təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi