Yuxarı
    Bağlamaq

    Azərbaycanın növbəti ixrac missiyası Dubaya gedir

    Missiyaya 20 yerli şirkət daxildir

    Bakı. 25 noyabr. REPORT.AZ/ İqtisadiyyat Nazirliyi “Made in Azerbaijan” brendinin təşviqi məqsədilə noyabrın 27-dən 30-dək Birləşmiş Ərəb Əmirliyinin Dubay şəhərinə ixrac missiyası təşkil edəcək. 

    Bu barədə "Report"a nazirlikdən bildirilib.

    Məlumata görə, Azərbaycanda İxracın və İnvesitisiyaların Təşviqi Fondunun (AZPROMO) və Azərbaycan şirkətlərinin nümayəndələrinin daxil olduğu missiya səfər zamanı “Carrefour”, “Spinneys”, “Union Co-op” kimi iri marketlər şəbəkələrində olacaq, AZPROMO və “Dubay Exports”un təşkilatçılığı ilə ərəb şirkətlərinin nümayəndələri ilə ikitərəfli görüşlər keçirəcək, ixracın təşkili məsələlərini müzakirə edəcəklər.

    Missiyaya müsabiqə əsasında seçilmiş və Azərbaycanda meyvə şirələri, təbii mineral sular, meyvə-tərəvəz məhsulları, ət və ət məhsulları, bal, süd və süd məhsullarının istehsalı sahəsində fəaliyyət göstərən 20 şirkət daxildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi