Azərbaycan İnvestisiya Şirkətinə yeni icraçı direktor təyin edilib

Bakı. 22 may. REPORT.AZ/ “Azərbaycan İnvestisiya Şirkəti” ASC-yə (AİŞ) yeni icraçı direktor təyin edilib.

“Report” xəbər verir ki, bu, Allahverdi Paşayevdir.

O, bundan əvvəl İqtisadiyyat Nazirliyinin Ticarət siyasəti və ümumdünya ticarət təşkilatı şöbəsinin müdir müavini vəzifəsində çalışıb.

Xatırladaq ki, AİŞ-ə rəhbərlik edən Rövşən Nəcəf Prezident İlham Əliyevin bu il mayın 11-də imzaladığı sərəncamla Prezidenti Administrasiyasının İnnovativ inkişaf və elektron hökumət məsələləri şöbəsinin müdiri təyin olunub.