Azərbaycan-Gürcüstan sərhəddində yeni gömrük-keçid məntəqəsi tikiləcək

Bakı. 14 iyun. REPORT.AZ/ Azərbaycan-Gürcüstan sərhəddində, Böyük Kəsik və Sadıqlı kəndləri arasında yeni gömrük-keçid məntəqəsi tikiləcək. 

"Report" xəbər verir ki, bu barədə Dövlət Gömrük Komitəsinin Gömrük Nəzarətinin Təşkili Baş İdarəsinin rəis müavini Səməd Qaralov məlumat verib. 

Onun sözlərinə görə, artıq bu məqsədlə Ağstafa Rayon İcra Hakimiyyyətindən icazə alınıb. 

"Yeni məntəqə Sınıqkörpü gömrük-keçid məntəqəsinin yükünü azaldacaq və keçir prosesini sadələşdirəcək. Burada iki ölkənin gömrük xidməti əməkdaşları bir binada oturacaq", - S.Qaralov əlavə edib.