Yuxarı
    Bağlamaq

    Azərbaycan bu il ixracı 50% artırıb

    Azərbycan Ukrayna və Rusiyada ticarət evlərinin yaradılması istiqamətində iş aparır© Report.az

    Bakı. 12 aprel. REPORT.AZ/ Azərbaycan məhsullarının xarici bazarlarda tanıdılması istiqamətində mühüm işlər görülür.

    "Report" xəbər verir ki, bunu Bakıda keçirilən IV Beynəlxalq "Caspian Energy Forum-2017"-də çıxışı zamanı iqtisadiyyat nazirinin müavini Sahil Babayev bildirib.

    O qeyd edib ki, Birləşmiş Ərəb Əmirlikləri və Çində ticarət nümayəndəliklərinin yaradılması planlaşdırılır. Onun sözlərinə görə, hazırda Ukrayna və Rusiyada ticarət evlərinin yaradılması istiqamətində işlər aparılır.

    "Xarici ölkələrdə logistika mərkəzləri yaradılır. Artıq Aktauda belə mərkəz var. Qazaxıstan Prezidentinin göstərişi ilə güzəştli şərait yaradılacaq. Bu da bizim kənd təsərrüfatı mallarının ixracında mühüm rol oynayacaq", - deyə S.Babayev qeyd edib.

    Nazir müavini bildirib ki, bu ilin I rübündə Azərbycanın ixracı 50% artıb. Onun sözlərinə görə, qeyri-neft sektorunun ixracı 32,5% artıb: "Sənayə məhsullarının ixracı 25% artıb, tərəvəz ixracı 45%, pambıq ixracı 3,6 dəfə, şərab məhsullarının ixracı 29%, kimya sənayesi məhsullarının ixracı isə 85% artıb".

    Nazirlik rəsmisi qeyd edib ki, bu rəqəmlər ciddi göstəricilərdir və görülən işlərin, ölkədə aparılan islahatların nəticəsidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi