Yuxarı

"AvtoVAZ" bəzi avtomobilləri bahalaşdırır

Gəlirlərin azalması səbəbindən şirkət avqustun 1-dən bəzi modellərin qiymətini artırır

Bakı. 30 iyul. REPORT.AZ/ Rusiyanın “AvtoVAZ” şirkəti avqustun 1-dən etibarən bəzi avtomobil modellərinin qiymətini 4% artıracaq. Şirkətin ölkədəki cari iqtisadi vəziyyətlə əlaqədar olaraq, satış həcmi 27% azalıb və bu, gəlirlərin azalmasına səbəb olub.

“Report” xarici mediaya istinadən bildirir ki, şirkətin gəlirləri azalıb və istehsal olunan avtomobillərin maya dəyəri yüksəldib. 

“AvtoVAZ” bu il antiböhran tədbirləri çərçivəsində 20 mlrd. rubl vəsaitə qənaət etməyi və xərlcəri azaltmağı planlaşdırır. Qiyməti artırılacaq modellər “Lada Granta”, “Lada Kalina” və “Lada 4x4” olacaq.

Qeyd edək ki, ilk yarımillikdə şirkətin gəlirləri 89,2 mlrd. rubl olub, bu da keçən ilin analoji dövrü ilə müqayisədə 2,2% azdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi