Zdzislav Sokal: “Azərbaycan şirkətlərini Polşada gözləyirik”

“Azərbaycan şirkətlərini Polşada gözləyirik, onların sayının artması iki ölkə arasında iqtisadi əməkdaşlığın möhkəmlənməsinə xidmət edəcək”.

“Report” xəbər verir ki, bunu Polşa İnvestisiya və Ticarət Agentliyinin İdarə Heyətinin üzvü Zdzislav Sokal bu gün Bakıda keçirilən Polşa-Azərbaycan biznes forumunda deyib.

“Polşa xarici investorları dəstəkləyir və onlara kömək edir. Lakin investorlarımızın başqa bazarlara daxil olması məsələsini unutmamalıyıq. Polşada Azərbaycan şirkətlərini də gözləyirik”, - o bildirib.