Yaponiya və Cənubi Koreya rəsmiləri iki ölkə arasındakı gərginliyi sonlandırmaq üçün görüşəcəklər

Yaponiya və Cənubi Koreya aralarındakı ticarət gərginliyinə səbəb olan anlaşmazlıqları aradan qaldırmaq üçün dekabr ayında yüksək səviyyəli görüşlər keçirəcəklər.

"Report" "Reuters"ə istinadən xəbər verir ki, bu barədə Cənubi Koreyanın Ticarət Nazirliyinin açıqlamasında bildirilib.

Məlumata görə, bu ilin iyul ayında Yaponiyanın yarımkeçiricilər və ekran görüntüsü üçün vacib olan üç kimyəvi maddənin Cənubi Koreyaya ixracını məhdudlaşdırdıqdan sonra iki ölkə arasında gərginlik yaranıb.