Türk lirəsi ucuzlaşmaqda davam edir

Bakı. 15 may. REPORT.AZ/ Türkiyənin milli valyutası - lirə ucuzlaşmaqda davam edir. 

"Report" Türkiyə mətbuatına istinasən xəbər verir ki, buna səbəb ölkədəki siyasi qeyri-müəyyənlik və Orta Şərq regionunda baş verən hadisələrdir.

Son nəticədə Türkiyədə ABŞ dollarının məzənnəsi 4,3983 lirəyə, avronun məzənnəsi isə 5,2481 lirəyə çatıb. 

Analitiklər lirənin ucuzlaşmasını həm də dünya bazarında xam neftin bahalaşması və hökumətin xərclərinin artması ilə əlaqələndirirlər.