STP Misirə ixraca başlayıb

Sumqayıt Kimya Sənaye Parkının rezidenti “STP” MMC ilk dəfə olaraq Misirə alüminium pəstahlar (alüminium profillərin istehsalı üçün nəzərdə tutulmuş xammal) ixrac etməyə başlayıb. 

Bu barədə “Report”a qurumun Mətbuat xidmətindən məlumat verilib.

İlkin olaraq, Misirə 100 ton həcmində məhsul göndərilib. Növbəti mərhələdə daha 200 ton məhsulun ixracı nəzərdə tutulur. Alüminium pəstahlar “STP” MMC-nin Alüminium və Mis Profilləri Zavodunda istehsal olunur.

Qeyd edək ki, “STP” MMC bundan əvvəl Danimarka, Polşa, Estoniya, Ukrayna və Türkiyəyə alüminium pəstah və profillər ixrac edib.