Sahil Babayev: “Macarıstanla ticarət dövriyyəsinin dəyəri potensialdan azdır”

“2021-ci ildə Azərbaycanın Macarıstana ixracının dəyəri 67% artsa da, bu rəqəm 2 milyon ABŞ dollarından az olub. Ticarət dövriyyəmizin dəyəri potensialından azdır”.

“Report” xəbər verir ki, bunu Azərbaycan və Macarıstan arasında iqtisadi əməkdaşlıq üzrə Birgə Komissiyanın 8-ci iclasından sonra təşkil edilmiş brifinqdə Komissiyanın Azərbaycan tərəfdən həmsədri, əmək və əhalinin sosial müdafiəsi naziri Sahil Babayev bildirib.

“Ötən il Azərbaycanın Macarıstandan idxalının dəyəri isə 30-35 milyon dollar civarında olub. Bu rəqəmin artırılması üçün böyük potensial var”, - o deyib.