Postmüharibə dövründə 9 minə yaxın Vətən Müharibəsi iştirakçısı və şəhid ailəsi üzvü özünüməşğulluğa cəlb edilib

Azərbaycanda postmüharibə dövründə 8,8 min Vətən Müharibəsi iştirakçısı, əlili və şəhid ailəsi üzvü özünüməşğulluq proqramına cəlb edilib.

“Report” xəbər verir ki, bunu Milli Məclisin Əmək və sosial siyasət, İqtisadi siyasət, sənaye və sahibkarlıq komitələrinin birgə iclasında əmək və əhalinin sosial müdafiəsi naziri Sahil Babayev bildirib.

"Proqrama cəlb olunanların ümumi sayı isə 17 mindir. Dediyim şəxslərin məşğulluğun təmin edilməsi bizim üçün prioritetdir. Bundan başqa, son il yarımda 4 minə yaxın şəhid ailəsinə və qaziyə ev verilib. Bunun da 1 000-dən çoxu regionlarda paylanılıb. Gələn ay 3 rayon üzrə daha 170 mənzil təqdim ediləcək", - o qeyd edib.