Noyabrda avrozona ölkələrində 1 milyondan çox avtomobil satılıb

Bu ilin noyabr ayında avrozonada qeydiyyata alınmış yeni avtomobillərin sayı ötən ilin eyni dövrü ilə müqayisədə 4,9% artaraq 1 175 959-a çatıb.

"Report" xarici mətbuata istinadən xəbər verir ki, bu barədə Avropa Avtomobil İstehsalçıları Birliyinin (ACEA) hesabatında qeyd olunub.

Sənədə əsasən, bu ilin yanvar-noyabr aylarında avrozonada qeydiyyata alınan avtomobillərin sayı isə illik müqayisədə 0,3% azalaraq 14 123 228-ə düşüb. 

Ötən ay ən çox avtomobil Almaniyada (299 127) qeydiyyata alınıb. Növbəti yerlərdə Fransa (172 731) və Böyük Britaniya (156 621) qərarlaşıb. 

Hesabat ayında ən çox avtomobil satışını "WW Group" (301 524), "PSA Group" (171 932) və "Renault Group" (119 998) həyata keçiriblər.