"Nissan" Rusiyada avtomobil istehsalını və satışını dayandırır

"Nissan" korporasiyası Rusiyaya avtomobil ixracını dayandırıb.

"Report" xəbər verir ki, bu barədə korporasiyanın saytında yerləşdirilən məlumatda deyilir.

Bununla yanaşı, Sankt-Peterburqdakı zavodda avtomobil istehsalı dayandırılır.

Şirkət, həmçinin Ukraynadakı humanitar böhrandan çıxmaq üçün 2,5 milyon avroluq fond yaradır. Fond vasitəsilə "Nissan" müharibədən zərər çəkmiş ailələrə və uşaqlara humanitar dəstək məqsədilə Beynəlxalq Qırmızı Xaç və digər qeyri-kommersiya təşkilatlarına 1 milyon avro bağışlayacaq.