Naxçıvanda verilən "ASAN İmza"ların sayı 2 dəfədən çox artıb

Bu ilin yanvar-sentyabr aylarında Naxçıvan Muxtar Respublikasında 7 959 "ASAN İmza" sertifikatı verilib.

Bu barədə "Report"un yerli bürosu Naxçıvanın İqtisadiyyat Nazirliyi yanında Dövlət Vergi Xidmətinə istinadən xəbər verir.

Məlumata görə, "ASAN İmza"lar 4 463 müraciət üzrə təqdim olunub.

Xatırladaq ki, ötən ilin eyni dövründə Naxçıvanda 1 547 müraciət üzrə 3 674 "ASAN İmza" verilmişdi. Başqa sözlə, "ASAN İmza"ların sayı 2,2 dəfə artıb.