Maduro hökuməti şirkətlərdən hesabları xaricdə açmağı istəyir

Bakı. 21 fevral. REPORT.AZ/ Venesuela Prezidenti Nikolas Maduronun ətrafında olan vəzifəli şəxslər, təxminən, 50 istehlakçı şirkət nümayəndəsinə müraciət edərək Rusiya, Çin, Türkiyə və Hindistanda bank hesabları açmağı xahiş edib.

"Report" xəbər verir ki, bu barədə "Bloomberg" iki mənbəyə istinadən yazıb.

Mənbələrdən birinin məlumatına görə, Venesuela Maliyyə Nazirliyi xarici ölkələrdə hesab açmağı öyrətmək üçün şirkət nümayəndələrinə master-klass keçirəcək. O həmçinin deyib ki, Maduro nümayəndələri istehsalı pozacaqları halda şirkətləri "repressiyalar"la təhdid edib.