Latviya İnvestisiya Agentliyi: “İki ölkə birgə istehsal məhsulları ilə Aİ bazarına daxil ola bilər”

“Latviya və Azərbaycan rəqabətədavamlı məhsulların birgə istehsalını yarada bilər və onlar vasitəsilə Avropa bazarlarına çıxmaq mümkün olacaq”.

“Report” xəbər verir ki, bunu Latviyanın İnvestisiya və Biznesin İnkişafı Agentliyinin baş direktoru Kaspars Rozkalns Azərbaycan və Latviyanın iş adamları ilə görüşündə deyib.

“Gələcəkdə məhsulları Avropa bazarına çıxarmaq üçün Azərbaycanla birgə istehsal üzrə əməkdaşlıq etmək istəyirik”, - o əlavə edib.

Onun sözlərinə görə, Latviya yeni tərəfdaşlar axtarır və bununla bağlı 5 prioritet sahə var.