"JP Morgan" Çinin iqtisadi artım proqnozunu azaldıb

ABŞ-ın “JP Morgan” İnvestisiya Bankı koronavirusun Çinin iqtisadi artım sürətini azaldacağına təsir göstərdiyini proqnozlaşdırır.

“Report” xarici mətbuata istinadən xəbər verir ki, bank bu ilin I rübü üçün Çinin iqtisadi artım proqnozunu 6%-dən 5,6%-ə, illik proqnozu isə 5,9-dən 5,8%-ə endirib.

“Koronavirus ən çox turizm, pərakəndə və əyləncə sektorlarına təsir edəcək. Çində yeni il tətili istehlakçı xərcləri üçün “qızıl mövsüm” sayılır, ancaq epidemiya səbəbindən insanlar evindən çıxa bilmirlər”, - bankın analitiki Haibin Zhu bildirib.