İranın xarici ticarət dövriyyəsi kəskin azalıb

İran təqviminə görə, martın 21-də başlayan yeni ilin ilk 5 ayında ölkənin xarici ticarət dövriyyəsinin dəyəri koronavirus pandemiyasının təsiri ilə illik müqayisədə 30,9% azalaraq 24,6 milyard ABŞ dollarına düşüb. 

“Report” xarici mətbuata istinadən xəbər verir ki, bu barədə Tehran Ticarət Palatası məlumat yayıb.

Məlumata görə, 5 ay ərzində İranın ən çox məhsul ixrac etdiyi ölkələr Çin, İraq və Birləşmiş Ərəb Əmirlikləri (BƏƏ), ən çox məhsul idxal etdiyi ölkələr isə Çin, BƏƏ və Türkiyə olub.