İİTKM: “Azərbaycanda ərzaq inflyasiyası dünyadakı orta rəqəmdən azdır”

“2021-ci ildə Azərbaycanda inflyasiyanın 6,7%-ə, ərzaq inflyasiyasının isə 8%-ə çatmasının əsas səbəbi idxal edilən məhsulların qiymətlərinin artmasıdır”.

“Report” xəbər verir ki, bunu İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı bildirib.

Onun sözlərinə görə, dünyada ərzaq inflyasiyası daha yüksək olub: “BMT-nin ərzaq və Kənd Təsərrüfatı Təşkilatının (FAO) açıqlamasına görə, ötən il dünyada ərzaq məhsullarının orta illik inflyasiyası 25%-ə çatıb. Bizdə isə bu temp 3 dəfə azdır”.