Bakı. 10 sentyabr. REPORT.AZ/ Azərbaycanın iqtisadiyyat və sənaye naziri Şahin Mustafayev Bakıda səfərdə olan Avropa İttifaqının Genişlənmə və Avropa Qonşuluq Siyasəti üzrə komissarı Ştefan Füle ilə görüşüb. Bu barədə “Report”a İqtisadiyyat və Sənaye Nazirliyindən məlumat verilib.
Nazirlikdən bildirilib ki, görüşdə Ş.Mustafayev Azərbaycan ilə Aİ arasında hüquqi bazanın yenilənməsi istiqamətində işlərin davam etdirildiyini, bu ilin sentyabrın 1-dən etibarən tərəflər arasında vizaların sadələşdirilməsi və readmissiya sazişlərinin qüvvəyə mindiyini deyib.
Xatırladaq ki, Ş.Füle Aİ-nin Şərq Tərəfdaşlığı ölkələrinin energetika nazirlərinin IV qeyri-rəsmi dialoq görüşündə iştirak etmək məqsədilə Bakıda səfərdədir.