İqtisadiyyat Nazirliyi xidmət işlərinin alınması üçün tender keçirir

Bakı. 7 mart. REPORT.AZ/ İqtisadiyyat Nazirliyi 4 lot üzrə dəftərxana ləvazimatlarının, təsərrüfat mallarının, işlək materialların və avadanlıqlara xidmət işlərinin satın alınması məqsədilə açıq tender elan edib.

“Report” xəbər verir ki, bu barədə rəsmi mətbuatda məlumat verilib.

Tenderdə iştirak etmək istəyənlər 100 manat iştirak haqqı ödəməlidirlər.

İddiaçılar tenderdə iştirak etmək tələb olunan sənədləri aprelin 7-i saat 17:00-dək, tender təklifi və bank zəmanətini isə aprelin 17-i saat 17:00-a qədər İqtisadiyyat Nazirliyinə (Bakı şəhəri, Ü.Hacıbəyli küçəsi, 84, Hökumət Evi) təqdim etməlidirlər.

İddiaçıların təklif zərfləri aprelin 18-i saat 12:00-da yuxarıda qeyd olunan ünvanda açılacaq.