Çin ABŞ-la ticarət məsləhətləşmələrindən imtina edib

Bakı. 22 sentyabr. REPORT.AZ/ Çin ABŞ-ın onun istehsalı olan daha 200 mlrd. dollar dəyərində 10%-lik gömrük rüsumu tətbiq etməsinə cavab olaraq bu ölkə ilə ticarət məsləhətləşmələrindən imtina edib.

"Report" bu barədə xarici mətbuata istinadən xəbər verir. 

Xatırladaq ki, Çinin Dövlət Şurasının sədr müavini Liu Xe gələn həftə ABŞ-a rəsmi səfər etməyi planlaşdırırdı. Bundan başqa, Çinin yüksək səviyyəli rəsmi şəxslərindən ibarət nümayəndə heyətinin ABŞ-a göndərilməsinə dair planlar var idi. İndi isə bütün bu planlar təxirə düşüb. 

Xatırladaq ki, Çin də ABŞ istehsalı olan 60 mlrd. dollarlıq məhsula gömrük rüsumu tətbiq etməyi planlaşdırır.