Bu il Azərbaycanın tütün ixracı azalıb, idxalı artıb

Bu ilin yanvar-aprel aylarında Azərbaycan 33,189 milyon ABŞ dolları dəyərində tütün və onun sənaye əvəzedicilərini idxal edib.
“Report” Dövlət Gömrük Komitəsinə (DGK) istinadən xəbər verir ki, bu, 2022-ci ilin eyni dövrünün göstəricisi ilə müqayisədə 15,304 milyon ABŞ dolları, yaxud 85,57 % çoxdur.
Bu ilin ilk dörd ayı ərzində Azərbaycanın ixrac etdiyi tütün və onun sənaye əvəzedicilərinin dəyəri isə 3,293 milyon ABŞ dolları olub ki, bu da 1 il əvvələ nisbətən 3,694 milyon ABŞ dolları yaxud 52,87 % azdır.
Hesabat dövründə tütün və tütünün sənaye əvəzediciləri üzrə idxal xərcləri Azərbaycanın ümumi idxal xərclərinin 0,63 %-ni, ixrac gəlirləri isə ümumi ixrac gəlirlərinin 0,03 %-ni təşkil edib.