Bu il Azərbaycanın tütün idxalına çəkdiyi xərc 11 %-dən çox artıb

Bu ilin yanvar-sentyabr ayları ərzində Azərbaycan 85,08 milyon ABŞ dolları dəyərində tütün və onun sənaye əvəzedicilərini idxal edib.
“Report” Dövlət Gömrük Komitəsinə (DGK) istinadən xəbər verir ki, bu, 2022-ci ilin eyni dövrünün göstəricisi ilə müqayisədə 9,4 milyon ABŞ dolları, yaxud 11,05 % çoxdur.
Bu ilin ilk üç rübü ərzində Azərbaycanın ixrac etdiyi tütün və onun sənaye əvəzedicilərinin dəyəri isə 10,37 milyon ABŞ dolları olub ki, bu da 1 il əvvələ nisbətən 6,87 milyon ABŞ dolları yaxud 39,85 % azdır.
Hesabat dövründə tütün və tütünün sənaye əvəzediciləri üzrə idxal xərcləri Azərbaycanın ümumi idxal xərclərinin 0,67 %-ni, ixrac gəlirləri isə ümumi ixrac gəlirlərinin 0,04 %-ni təşkil edib.