Böyük Britaniya rəsmisi: "İnvestorlarımız regiondakı vəziyyətdən narahatdır"

Böyük Britaniya investorları regiondakı vəziyyətdən - Rusiya-Ukrayna və Azərbaycan-Ermənistan konfliktlərindən çox narahatdır.

"Report" xəbər verir ki, bunu Böyük Britaniyanın ixrac üzrə naziri Lord Offord bu gün Bakıda keçirilən Azərbaycan və Böyük Britaniya arasında iqtisadi əməkdaşlıq üzrə Hökumətlərarası Komissiyanın 6-cı iclasında bildirib.

"Bilirik ki, sizin Rusiya ilə çox yaxşı münasibətləriniz var. Azərbaycan regionda Şərqlə Qərb arasında hab rolu oynayır. Biz bu potensialdan istifadə etmək istəyirik", - deyə o qeyd edib.