“Bir Pəncərə” İxraca Dəstək Mərkəzi 865 milyon dollarlıq ixraca kömək edib

Bu ilin avqust ayında “Bir Pəncərə” İxraca Dəstək Mərkəzi vasitəsi ilə həyata keçirilən qeyri-neft ixracının dəyəri 20,9 milyon ABŞ dolları olub.

“Report” xəbər verir ki, bu barədə İqtisadi islahatların Təhlili və Kommunikasiya Mərkəzinin (İİTKM) açıqladığı “İxrac icmalı”nın avqust buraxılışında qeyd edilir.

2017-ci ildən 2022-ci ilin avqust ayına qədər “Bir Pəncərə” İxraca Dəstək Mərkəzi vasitəsilə ixrac edilən mal və məhsulların dəyəri 864,6 milyon ABŞ dolları təşkil edib.