“Bir Pəncərə” İxraca Dəstək Mərkəzi 717 milyon dollarlıq ixraca kömək edib

Bu ilin yanvar ayında “Bir Pəncərə” İxraca Dəstək Mərkəzi vasitəsi ilə həyata keçirilən qeyri-neft ixracının dəyəri 9 milyon ABŞ dolları olub.

“Report” xəbər verir ki, bu barədə İqtisadi islahatların Təhlili və Kommunikasiya Mərkəzinin (İİTKM) açıqladığı “İxrac icmalı”nın yanvar buraxılışında qeyd edilir.

Sənədə əsasən, bu, ötən ilin yanvar ayı ilə müqayisədə 2,3% çoxdur.

2017-ci ildən 2022-ci ilin yanvar ayına qədər “Bir Pəncərə” İxraca Dəstək Mərkəzi vasitəsilə ixrac edilən mal və məhsulların dəyəri 708,4 milyon ABŞ dolları təşkil edib.