Belarus Azərbaycanın yüksək səviyyəli məhsullarına maraq göstərir

Bakı. 19 noyabr. REPORT.AZ/ "Belarus Azərbaycan investisiyalarına və yüksək səviyyəli məhsullarına maraq göstərir".

“Report” xəbər verir ki, bunu noyabrın 19-da Minskdə Azərbaycan Prezidenti İlham Əliyevlə keçirdiyi birgə mətbuat konfransında Belarusun dövlət başçısı Aleksandr Lukaşenko deyib.

"Bu gün sizin məhsullar ötən il Minskdə açılan Azərbaycan Ticarət Evində geniş təqdim edilir. Onların Belarus alıcılarında populyarlıq qazanmasına görə Azərbaycan Prezidenti bu şəbəkənin vilayət mərkəzlərinə genişləndirilməsi haqqında qərar qəbul edib", - deyə o bildirib.