Bakıdakı biznes mərkəzi ötən il 3 milyon manata yaxın xalis mənfəət əldə edib

“Çinar Park” QSC 2022-ci ili 2,748 milyon manat xalis mənfəətlə başa vurub.

“Report” xəbər verir ki, ötən il səhmdart cəmiyyətinin vergiyəqədərki mənfəəti 3,467 milyon manat, mənfəət vergisi ödəmələri isə 720 min manat təşkil edib.

Bu il yanvarın 1-nə “Çinar Park”ın aktivləri 19,729 milyon manat olub ki, bu da illik müqayisədə 55,8 % çoxdur. Hesabat dövründə şirkətin öhdəlikləri 4,1 dəfə artaraq 5,694 milyon manata, balans kapitalı isə 24,3 % artaraq 14,035 milyon manata çatıb.

Xatırladaq ki, "Çinar Park" 2006-cı ildə yaradılıb, Bakı Ziya Bünyadov prospektində yerləşir. Onun nizamnamə kapitalı 4,325 milyon manatdır.