"Azpromo" ixracatçılara müraciət edib

Bakı. 18 yanvar. REPORT.AZ/ İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondu ("Azpromo") ixracatçılara müraciət edib.

“Report” xəbər verir ki, müraciətdə bildirilir ki, aşağıdakı tütün məhsulları və onun əvəzedicilərinin Qətərə idxalı qadağan olunub:

- Hər hansı adda və formada olan nikotinli saqqız;

- Elektron siqaret və elektron qəlyan, əvəzedici siqaret məhsulları;

- Hər hansı adda və formada olan sərxoşedici preparatlar;

- Siqaret satışı avtomatları;

- Tütün və onun məhsullarının təbliği, reklamı və təşviqi materialları.