"Azexport"a sifarişlər 16% azalıb

Bu ilin yanvar ayında "Azexport" portalına 45,2 milyon ABŞ dolları dəyərində sifariş daxil olub.

"Report" xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac icmalı"nın fevral sayında bildirilir.

Sənədə əsasən, bu, ötən ilin eyni dövrü ilə müqayisədə 16,1% azdır.

Ötən ay ən çox ixrac sifarişi sifarişi toyuq əti, toyuq yumurtası, şərab, xurma, pomidor, pambıq yağı, kərə yağı, tikinti materialları, tütün, mühərrik yağı, pambıq lifi və s. mallara daxil olub.

Portal fəaliyyət göstərdiyi 2017-ci ilin yanvar ayından 2022-ci ilin fevral ayına qədər (61 ayda) 145 ölkədən 2,8 milyard ABŞ dolları dəyərində sifariş qəbul edib.