"Azərlotereya” ASC Koronavirusla Mübarizəyə Dəstək Fonduna 200 min manat köçürüb

İqtisadiyyat Nazirliyinə  məxsus “Azərlotereya” ASC koronavirus pandemiyasının ölkə ərazisində yayılmasının qarşısının alınması, vətəndaşların sağlamlığının qorunması məqsədilə Prezident İlham Əliyevin sosial həmrəylik nümayiş etdirilməsi barədə tövsiyələrinə uyğun olaraq, irəli sürülmüş təşəbbüsə qoşulub.

Bu barədə "Report"a  İqtisadiyyat Nazirliyindən bildirilib.

Məlumata görə, “Azərlotereya” ASC Azərbaycan Respublikası Prezidentinin 19 mart 2020-ci il tarixli Sərəncamı ilə yaradılmış Koronavirusla Mübarizəyə Dəstək Fonduna 200 min manat köçürüb.