Azərbaycanın ən çox qeyri-neft məhsulları ixrac etdiyi ölkələr açıqlanıb

Cari ilin yanvar-fevral aylarında Azərbaycandan qeyri-neft məhsullarının ən çox ixrac olunduğu ölkələrin sırasında Türkiyə, Rusiya, Gürcüstan, İsveçrə və İtaliya qərarlaşıb.

“Report” xəbər verir ki, bu barədə Dövlət Gömrük Komitəsindən AZƏRTAC-a bildirilib.

Məlumata görə, iki ayda Türkiyəyə 153,3 milyon ABŞ dolları, Rusiyaya 119 milyon dollar, Gürcüstana 28 milyon dollar, İsveçrəyə 21 milyon dollar, İtaliya isə 19,3 milyon dollar dəyərində qeyri-neft məhsulları ixrac olunub.