Azərbaycanda mənzillərin kirayəsi bu il ərzində ilk dəfə ucuzlaşmağa başlayıb

Bakı. 12 may. REPORT.AZ/ Azərbaycanda mənzillərin kirayə haqqı 2018-ci ilin əvvəlindən ilk dəfə olaraq aprel ayı ərzində ucuzlaşıb.

“Report” bu barədə Dövlət Statistika Komitəsinə istinadən xəbər verir.

Aprel ayı ərzində mənzillərin kirayə haqqında əvvəlki ayla müqayisədə cəmi 0,2% azalma qeydə alınıb. 

Xatırladaq ki, yanvarda mənzil kirayəsində 0,1% bahalaşma olub, daha sonrakı iki ayda isə qiymət sabit qalıb.

Rəsmi statistikaya əsasən, apreldə mənzillərin orta aylıq kirayə haqqı 95,2 manat təşkil edib.