Azərbaycanda gömrük xidmətinə ilkin hazırlıq təlimlərinin dinləyiciləri üçün atış üzrə təlim keçirilib

Dövlət Gömrük Komitəsinin Akademiyasında gömrük xidməti əməkdaşları üçün təşkil edilən növbəti xidmətə ilkin hazırlıq təlimlərinin dinləyiciləri tədris planı və proqramına uyğun olaraq, Daxili İşlər Nazirliyinin atış poliqonunda birinci təlim atış çalışmalarını yerinə yetiriblər. 

Bu barədə “Report”a DGK-dan məlumat verilib.

Akademiyanın rəisi, gömrük xidməti polkovniki Qulu Novruzov və akademiya heyətinin üzvləri də təlimdə iştirak ediblər.

Dinləyicilər təhlükəsizlik qaydaları, atışın şərtləri və digər təlimatlarla tanış olduqdan sonra "Makarov" markalı tapança ilə atış qaydalarını məşq edib və praktiki atış çalışmalarını yerinə yetiriblər.