Azərbaycanda “Ehtimal olunan qiymətin hesablanması Qaydası” təsdiq edilib

Nazirlər Kabineti “Ehtimal olunan qiymətin hesablanması Qaydası”nı təsdiq edib.

"Report" xəbər verir ki, bununla bağlı Baş nazir Əli Əsədov yeni qərar imzalayıb.

Qərar bu il yanvarın 1-dən qüvvəyə minib. Qayda “Dövlət satınalmaları haqqında” qanuna uyğun olaraq hazırlanıb və Qanunun şamil edildiyi satınalan təşkilatlar tərəfindən maliyyə vəsaitləri hesabına satın alınacaq satınalma predmetinin ehtimal olunan qiymətinin hesablanması qaydasını müəyyən edir.

Ehtimal olunan qiymətin hesablanması üsulları aşağıdakılardır:

- statistik üsul;

- bazar araşdırması üsulu;

- açıq informasiya üsulu;

- analoq üsulu;

- təcrübə üsulu;

- qiymətləndirici üsul.

Ehtimal olunan qiymət 2 və daha çox üsulla hesablandıqda ən aşağı olan qiymət ehtimal olunan qiymət hesab edilir.