Azərbaycan və İran əməkdaşlıq üzrə altı anlaşma memorandumu imzalayıb

Azərbaycan və İran iki ölkənin şirkətləri arasında texnoloji əməkdaşlığın genişləndirilməsi sahəsində 4 milyon dollar dəyərində altı anlaşma memorandumu imzalayıb.

"Report" İran KİV-inə istinadən xəbər verir ki, anlaşma memorandumları nanotexnoloji döşəmə örtükləri, elektronika və qida aromatizatorları ilə əlaqədardır.

İran Milli İnnovasiya Fondunun rəhbəri Əli Vəhdət altı anlaşma memorandumunun imzalanmasını vacib hadisə adlandırıb.

"Bu yalnız başlanğıcdır. Ümid edirəm ki, bu tendensiya davam edəcək", - o deyib.

Azərbaycan tərəfi İran startapları ilə əməkdaşlığı genişləndirməyə hazır olduğunu bildirib.