Azərbaycan tütün və tütünün sənaye əvəzedicilərinin ixracından gəlirlərini 6 dəfəyədək artırıb

Bu ilin yanvar-mart aylarında Azərbaycan 14,8 milyon ABŞ dolları dəyərində tütün və tütünün sənaye əvəzedicilərini idxal edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 8 milyon ABŞ dolları (35,1 %) azdır.

Bu ilin ilk rübü ərzində Azərbaycanın ixrac etdiyi tütün və tütünün sənaye əvəzedicilərinin dəyəri isə 5,7 milyon ABŞ dolları olub ki, bu da 1 il əvvələ nisbətən 4,67 milyon ABŞ dolları yaxud 5,5 dəfə çoxdur.

Hesabat dövründə tütün və tütünün sənaye əvəzediciləri üzrə idxal xərcləri Azərbaycanın ümumi idxal xərclərinin 0,51 %-ni, ixrac gəlirləri isə ümumi ixrac gəlirlərinin 0,07 %-ni təşkil edib.