Azərbaycan tütün və tütünün sənaye əvəzediciləri ixracından qazancını 14 dəfə artırıb

Bu ilin yanvar-fevral aylarında Azərbaycan 10,9 milyon ABŞ dolları dəyərində tütün və tütünün sənaye əvəzedicilərini idxal edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 3,6 milyon ABŞ dolları (24,8 %) azdır.

İlk iki ay ərzində Azərbaycanın ixrac etdiyi tütün və tütünün sənaye əvəzedicilərinin dəyəri isə 4,3 milyon ABŞ dolları olub ki, bu da 1 il əvvələ nisbətən 4 milyon ABŞ dolları yaxud 14 dəfə çoxdur.

Hesabat dövründə tütün və tütünün sənaye əvəzediciləri üzrə idxal xərcləri Azərbaycanın ümumi idxal xərclərinin 0,55 %-ni, ixrac gəlirləri isə ümumi ixrac gəlirlərinin 0,07 %-ni təşkil edib.