Azərbaycan tütün məmulatları idxalını 2 dəfə azaldıb

Bakı. 23 yanvar. REPORT.AZ/ Ötən il ərzində Azərbaycana 153 116,46 min ABŞ dolları dəyərində tütün və tütün məmulatları idxal edilib.

"Report"un Dövlət Gömrük Komitəsinə istinadən verdiyi məlumata görə, bu, 2015-ci ilə nisbətən 144 491,70 min dollar yaxud 48,55% (1,94 dəfə) azdır.

Nəticədə, 2016-cı il ərzində ölkəyə idxal olunan tütün və tütün məmulatları ümumi idxalın 1,79%-ni təşkil edib.

Hesabat dövründə Azərbaycandan 8 898,88 min dollar məbləğində tütün və tütünün sənaye əvəzediciləri ixrac edilib ki, bu da əvvəlki il ilə müqayisədə 507,44 min dollar yaxud 5,40% azdır. Tütün və tütün əvəzedicilərinin ixracı ölkənin ümumi ixracının 0,10%-nə bərabər olub.