Azərbaycan tütün ixracından gəlirini 3 dəfə artırıb

Bu ilin yanvar-iyul aylarında Azərbaycan 13,2 milyon ABŞ dolları dəyərində tütün və tütünün sənaye əvəzedicilərini ixrac edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 2,9 dəfə çoxdur.

7 ay ərzində Azərbaycanın idxal etdiyi tütün və tütünün sənaye əvəzedicilərinin dəyəri isə 50 milyon ABŞ dolları olub ki, bu da 1 il əvvələ nisbətən 11,7% azdır.

Hesabat dövründə tütün və tütünün sənaye əvəzediciləri üzrə ixrac gəlirləri Azərbaycanın ümumi ixrac gəlirlərinin 0,1 %-ni, idxal xərcləri isə ümumi idxal xərclərinin 0,7 %-ni təşkil edib.