Azərbaycan Türkiyədən polad idxalına çəkdiyi xərci 23 % artırıb

2022-ci ildə Azərbaycan Türkiyədən 134,602 milyon ABŞ dolları dəyərində polad idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, 2021-ci illə müqayisədə 22,6 % çoxdur.

Təkcə ötən ilin dekabr ayında isə Türkiyə Azərbaycana 13,201 milyon ABŞ dollarlıq polad ixrac edib ki, bu da illik müqayisədə 16,5 % çoxdur.

Ötən il Türkiyənin ümumi polad ixracının dəyəri illik müqayisədə 5,3 % azalaraq 21,063 milyard ABŞ dollarına çatıb, dekabr ayında isə 40,8 % azalaraq 1,340 milyard ABŞ dollarına enib.