Azərbaycan sahibkarları bu ilin əvvəlindən 8 mln. manat güzəştli kredit alıblar

Bakı. 28 fevral. REPORT.AZ/ 2018-ci ildə Azərbaycanda 1000-ə yaxın sahibkarlıq subyektinə dövlət xətti ilə 160,2 mln. manat güzəştli kredit verilib.

“Report” xəbər verir ki, bu barədə iqtisadiyyat nazirinin müavini Sahib Məmmədov məlumat verib.

O həmçinin deyib ki, bu ilin əvvəlindən Azərbaycanda 80-nə yaxın sahibkarlıq subyekti 8 mln. manat güzəştli kredit alıb. Bu kreditlər kənd təsərrüfatının və emal sənayesinin inkişafına yönəldiləcək.