Azərbaycan Özbəkistandan arı tədarük etməyə başlayıb

2023-cü ildə Azərbaycan 246,7 min ABŞ dolları dəyərində 17 min 562 ədəd arı idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 17 %, kəmiyyət olaraq – 24 % azdır.

Hesabat dövründə Azərbaycana Türkiyədən 207,5 min ABŞ dolları dəyərində (bir il əvvəlki göstəricidən 17 % azdır) 14 min 280 ədəd (-10 %), İsraildən 38,8 min ABŞ dolları dəyərində (-15 %) 1 min 482 ədəd (-54 %) və Özbəkistandan 0,4 min ABŞ dolları dəyərində 1 min 800 ədəd arı gətirilib.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Özbəkistandan tədarük həyata keçirilib.