Azərbaycan içki ixracını 53 % artırıb

Bu ilin yanvar-oktyabr aylarında Azərbaycan 17,9 milyon ABŞ dolları dəyərində spirtli və spirtsiz içki, sirkə ixrac edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 6,2 milyon ABŞ dolları (52,99 %) çoxdur.

Bu ilin 10 ayı ərzində Azərbaycanın içki və sirkə idxalının dəyəri isə 69,9 milyon ABŞ dolları olub ki, bu da 1 il əvvələ nisbətən 5,2 milyon ABŞ dolları (8,04 %) çoxdur.

Hesabat dövründə içki və sirkə üzrə ixrac Azərbaycanın ümumi ixracın 0,05 %-ni, idxal isə ümumi idxalın 0,60 %-ni təşkil edib.