Gömrük rəsmisi: “Kərbəla ziyarəti vaxtı Azərbaycan-İran sərhədindən 300-400 avtobus keçir”

Dövlət Gömrük Komitəsinin Cənub Ərazi Baş Gömrük İdarəsinin "Astara" gömrük postundan (Azərbaycan-İran sərhədi) gündəlik 7-8 min nəfər gediş-gəliş üçün istifadə edir.

“Report” xəbər verir ki, bu barədə postun rəisi Habil Mehdiyev məlumat verib.

Onun sözlərinə görə, bayram günlərində və dini ziyarətlər olan vaxt bu rəqəm 10 minə çatır: “Artım əsasən Kərbəla ziyarətləri vaxtı baş verir. Adi günlərdə 50-60, ziyarət günlərində isə 300-400 avtobusun keçidini təmin etmişik”.

Gömrük rəsmisi həmçinin deyib ki, gün ərzində sərhəddən 300-400 yük maşını, 30-50 minik maşını keçir.

“Sərnişin nəqliyyat xəttində sıxlıq müşahidə edilmir”, - o qeyd edib.