AZCHEMCO Dünya İqtisadi Forumunda səsləndirilmiş torpaq problemlərini həll etməyə hazırdır

Şoran ərazilərdə əkinçiliyin inkişaf etdirilməsi və gələcəkdə iqlim dəyişikliyinin də təsiri ilə kənd təsərrüfatına yararlı torpaqlarda şoranlaşmanın qarşısını almaq məqsədi ilə FAO Qlobal Torpaq Tərəfdaşlığı çərçivəsində dünyanın müxtəlif dövlətlərinin torpaqşünasları ilə əməkdaşlıq etməkdədir.

Şoranlıq – mövcud torpaqlarda geniş yayılmış haldır; bu bəzən təbii səbəblərdən baş verir, bəzən isə insan fəaliyyətinin nəticəsidir.

Analitik hesablama mərkəzlərinin məlumatlarına görə, 1,5 milyard insan becərilməsi üçün həddindən artıq şoranlaşmış torpaqlarda yaşayırlar. Dünyada əsasən Yaxın Şərq və Şimali Afrika, Mərkəzi və Cənubi Asiya, Latın Amerikası ölkələrində 833 milyon hektardan çox şoran torpaqlar mövcuddur.

İnsanların irrasional fəaliyyəti şoran torpaq problemini daha da ağırlaşdırır. Torpağın fasiləsiz və intensiv becərilməsi, gübrələrdən həddindən artıq istifadə, uyğun olmayan suvarma üsulları, meşələrin qırılması və qrunt sularının kortəbii istifadəsi insanların yaratdığı torpaq şoranlaşmasının əsas amilləridir. Suvarmada suyun səmərəsiz istifadəsi isə böyük və əvəzolunmaz itkilərə səbəb olur.

Bu il dekabr ayının əvvəlində Dünya İqtisadi Forumu növbəti 80 ildə qlobal dünyanın inkişafı ilə bağlı dərc etmiş olduğu məqalədə iqlim problemlərinə toxunmuşdur ki, burada da quraqlıqla mübarizə əsas məqsədlərdəndir.

Bu amillərin qida istehsalına və təhlükəsizliyinə mənfi təsirini nəzərə alan “AZCHEMCO” FAO-ya, Beynəlxalq İqtisadi Foruma və bütün qlobal dünyaya bu problemin həlli üçün “açar” təklif edir.

Azərbaycanın "AZCHEMCO" şirkətinin “Drip Drop 369” məhsulu İsrailin “Netafim” şirkətinin istehsal etdiyi yeraltı damlama-suvarma sistemlərindən istifadə olunmaqla torpağın pH səviyyəsini tənzimləyir, torpağın keyfiyyətini yaxşılaşdırır, ümumi məhsuldarlığı artırır və torpağı kənd təsərrüfatında istifadəyə yararlı vəziyyətə gətirir.

Yeraltı damlama-suvarma sistemləri yalnız bitkilərin kök sistemini su ilə təchiz etmir, həm də suyun istehlakını əhəmiyyətli dərəcədə minimuma endirməklə ondan səmərəli istifadəni təmin edir.

Müasir dünyada su qıtlığı və iqlim dəyişikliyi səbəbindən “Netafim”-in yeraltı damlama- suvarma sistemləri və “AZCHEMCO”-nun Drip Drop 369 məhlulu şoran torpaqlarla və quraqlıqla mübarizə aparan innovativ üsulların yüksək təsiredici tandemdir.

Həmçinin, “AZCHEMCO” şirkətinin mətbuat xidmətinin verdiyi məlumata görə, 2022-ci ildə keçiriləcək Dünya İqtisadi Forumu zamanı şirkətin platformada iştirakı ilə bağlı, “Caspian Week”-in təşkilat komitəsinin sədri Murat Seitnepesov ilə razılıq əldə edilib.