Avropa-Qafqaz-Asiya nəqliyyat dəhlizinin Azərbaycan hissəsində yük dövriyyəsi artıb

Bakı. 7 avqust. REPORT.AZ/ 2018-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25 675,5 min ton, yük dövriyyəsi isə 5 525,7 mln. ton-km olub.

“Report”un Dövlət Statistika Komitəsinə istinadən verdiyi xəbərə görə, əvvəlki ilin müvafiq dövrü ilə müqayisədə 0,1% və 2,6% artım müşahidə olunub. Yüklərin 15 932,1 min tonu və ya 62,1%-i avtomobil nəqliyyatı, 6 084,9 min tonu və ya 23,7 faizi dəmir yolu nəqliyyatı, 3 658,5 min tonu və ya 14,2%-i dəniz nəqliyyatı ilə daşınıb.

Dəhliz vasitəsilə daşınmış yüklərin 19,3%-ini və ya 4947,2 min tonunu tranzit yüklər təşkil edib.