Almaniyada iflas edən şirkətlərin sayı 3,2% azalıb

Bu ilin fevral ayında Almaniyada iflas edən şirkətlərin sayı ötən ilin eyni dövrü ilə müqayisədə 3,2% azalaraq 1 529-a enib.

“Report” xəbər verir ki, bu barədə Almaniya Federal Statistika İdarəsinin (Destatis) açıqlamasında bildirilib.

Məlumata görə, bu dövr ərzində ən çox iflaslar nəqliyyat vasitələrinin istismarı və təmiri daxil olmaqla topdan və pərakəndə ticarət sektorunda, habelə tikinti sektorunda müşahidə olunub. Bu sektorlarda müvafiq olaraq 255 və 226 iflas qeydə alınıb.

Bundan başqa, hesabat dövründə şirkətlərin iflas tələbləri ilə əlaqədar kreditorlara ödənilməsi nəzərdə tutulan borc 2 dəfə azalaraq 1 milyard avroya enib.